الرئيسية » قوافي » نفسك لاتظلمها ، ولاتظلم الناس

نفسك لاتظلمها ، ولاتظلم الناس

نفسك لاتظلمها ، ولاتظلم الناس
واليا نطقت .. الناس لا تبتليها

مثل مافيك احساس للعالم احساس
والناس مثلك مثل مافيك فيها

اليا اشتريت اشتر ذهب واشتر الماس
والحاجه اللي ماش لا تشتريها

لا يضيع عمرك وانت تجمع لك نحاس
حوادث الايام ،، لا*تزدريها

ولا تقول الراي لاصرت محتاس
والكلمه اليا اكفيتها ، لا تحكيها

صمتك ع كلمه بلا عقل وقياس
ابرك ،، ولا انت تقولها وتعميها

حاول تجي مثل الجبل منت قرطاس
ماكل هبّات الزمن تشتهيها

ناسٍ ليامن طحت لفّاظت انفاس
وناسٍ *طواري طيحتك تحتريها

خلّك حديد ان ثقلوا ضربت الفاس
تراك لا خشّبت ،، بتروح فيها

والبس من ثياب المعزّه لك لباس
وناسٍ مايفرح قربها ،، لاتجيها

واليا بنيت ابني العلاقه ع ساس*
وارضي النفوس اللي تبيك وتبيها

يسرّك اللي خوّته ترفع الراس
ويبور من خوّته ،، لك عليها
الشاعر/ سعد المطرفي

اضف رد

لن يتم نشر البريد الإلكتروني . الحقول المطلوبة مشار لها بـ *

*

2 × 3 =

Designed & Developed By c s i t . c o m . s a